09.05.2016
У Дзень Перамогі...
9 мая 2016 года вучні і настаўнікі школы прынялі ўдзел у мітынгу, прысвечаным Дню Перамогі.
Ад школы да помніка. Штогод дарогай памяці праходзяць вучні да святога месца за вёскай, дзе пахаваны мірныя жыхары, што сталі ахвярай фашызму ў гады вайны. Дарогай, па якой гналі немцы старых і малых, мужчын і жанчын. Дарогай памяці і смутку.
Шмат аднавяскоўцаў і ў гэты раз сабралася ля помніка. Вучні чыталі вершы пра вайну, дзякавалі за мірнае жыццё. На жаль, не было ўжо сярод прысутных ніводнага ветэрана ці ўдзельніка вайны, але словы ўдзячнасці за мір гучалі з вуснаў дырэктара школы М.І. Аліферовіча, старшыні СВК "Дварэцкі" В.В. Карчэўскага.
Хвілінай маўчання ўшанавалі памяць пра загінуўшых.
Іерэй Сергій Чыж прачытаў малітву аб упакаенні душ забітых мірных жыхароў і заклікаў усіх быць уважлівымі адзін да аднаго і жыць па запаветах Божых, памятаць пра тых, хто прынёс нам Перамогу і падарыў мірнае жыццё.
 2024 2023 2022 2021 2020 2019 2018 2017 2016 2012 |
 |
03.05.2024 Усебеларускі дыктант
|
подробнее... |