21.02.2024
Да Міжнароднага дня роднай мовы
21 лютага 2024 года у школе адзначылі Дзень роднай мовы. Мерапрыемствы пачаліся з самага ранку. На лінейцы "карэспандэнты" Маргарыта Паўловіч, Дар'я Шуляк, Любоў Рудовіч пазнаёмілі ўсіх з гісторыяй гэтага Дня, узялі інтэрв'ю ў вучняў і настаўнікаў. Cвой любімы верш на беларускай мове прачытала вучаніца 6 класа Дар'я Вароніч. А выхавацель Валянціна Мікалаеўна Бусько ўспомніла байку К.Крапівы "Дыпламаваны баран". На перапынках вучні чыталі вершы на беларускай мове, адгадвалі загадкі, крыжаванкі. У гульні "Словы па-беларуску" прынялі ўдзел каманды "Беларусачкі" (6 кл.) і "Маланка" (5 кл.). Перамогу атрымалі "Беларусачкі". Арганізавала і правяла гульню настаўніца Валянціна Пятроўна Рылач.
Вучні 3-4 класаў пад кіраўніцтвам Наталлі Міхайлаўны Дубініч адправіліся ў інтэлектуальны марафон "Мая Беларусь". Яны адгадвалі беларускія загадкі, успаміналі прыказкі.
Вольга Канстанцінаўна Антановіч для вучняў 7-9 класаў арганізавала гульню-падарожжа "Ці ведаеш ты сваю мову?" У гэтай гульні перамогу атрымала каманда дзяўчынак "Беларусачкі".
Выхаванцы дзіцячага сада таксама не пакінулі без увагі родную мову. Яны разам з выхавацелем Таццянай Віктараўнай аформілі стэнд на беларускай мове.
Хто мы? Мы - беларусы! Мы любім сваю родную мову!
 2024 2023 2022 2021 2020 2019 2018 2017 2016 2012 |
 |
03.05.2024 Усебеларускі дыктант
|
подробнее... |