21.02.2023
21 лютага - Дзень роднай мовы
21 лютага адзначаецца Міжнародны дзень роднай мовы. З прапановай увесці такі дзень выступіла краіна Бангладэш. Там 21 лютага 1957 года, адстойваючы права вучыцца на роднай мове, загінулі пяць студэнтаў.
Сёння ў свеце налічваецца больш за шэсць тысяч моў. Палова з іх знаходзіцца пад пагрозай знікнення. Дзеля іх захавання і быў абвешчаны Міжнародны дзень роднай мовы.
Гэтае свята спрыяе таму, каб людзі задумаліся пра лёс роднай мовы, на якой вымавілі першае слова, на якой размаўлялі іх продкі.
Беражыце РОДНУЮ МОВУ! Размаўляйце па-беларуску!
У рамках святкавання Дня роднай мовы настаўнікі Т.Л. Кіндрук, В.П.Рылач, сакратар школы А.М.Шостак і вучні 7 класа прынялі ўдзел у напісанні рэспубліканскай дыктоўкі "Беларусь - краіна-мара".
У гэты ж дзень вучні 6 і 7 класаў удзельнічалі ў моўным турніры "Адкрываю ... нанова беларускае роднае слова", у якім перамогу атрымала каманда 6 класа. Арганізавалі і правялі турнір настаўнікі В.П.Рылач і В.К. Антановіч.
Правядзенне мерапрыемстваў у Дзень роднай мовы стала ў школе традыцыйным.
 2024 2023 2022 2021 2020 2019 2018 2017 2016 2012 |
 |
03.05.2024 Усебеларускі дыктант
|
подробнее... |