14.10.2017
Да Дня маці
14 кастрычніка - Дзень маці
Традыцыйна ў школе праводзіцца бацькоўскі сход, канцэрт для мам і пакроўскі кірмаш.
У гэтым годзе на бацькоўскім сходзе паведамілі аб асаблівасцях арганізацыі адукацыйнага працэсу ў 2017/2018 н.г., абмеркавалі праблемы шостага дня, закранулі праблемы паспяховасці, падвялі вынікі выкарыстання фінансавых сродкаў на рамонтныя работы. Адміністрацыя школы павіншавала ўсіх жанчын з Днём маці і з праваслаўным святам "Пакроў Багародзіцы", запрасіла на канцэрт.
Залу для канцэрта ўпрыгожылі настаўнікі пачатковых класаў. Канцэрт для мам падрыхтавалі вучні. Вядучыя Аліферовіч Д. і Арэшка В. нагадалі гісторыю свята, аб'яўлялі нумары канцэрта. Самымі актыўнымі ўдзельнікамі былі вучні 3 класа, якія некалькі разоў выходзілі, каб павіншаваць мам са святам. Яны распачалі канцэрт песняй "Мамачка мая" . Парадавалі любімых мам вучні 1 і 2 класаў, якія выдатна прачыталі вершы. Вучні 1 класа ўручылі сваім мамам чароўныя кошыкі, зробленыя сваімі рукамі. Да слёз крануў верш пра маму ў выкананні вучня 7 класа Сакалова Д. Завяршылі канцэрт вучні 9 класа песняй "Мама".
Пакроўскі кірмаш быў шумным і "салодкім". Найперш "разышлася" дамашняя выпечка : тарты, пячэнне, цукеркі-пеўнікі. Вялікі дзякуй мамам, якія дапамаглі прыгатаваць смачныя пачастункі.
Усе былі задаволены : і пакупнікі, і прадаўцы.
Няхай заўсёды пануе святочны настрой. Няхай заўсёды побач з намі будуць нашы мамы.
Са святам, дарагія матулі!
 2024 2023 2022 2021 2020 2019 2018 2017 2016 2012 |
 |
03.05.2024 Усебеларускі дыктант
|
подробнее... |