01.09.2016
Дзень ведаў
1 верасня адбылася ўрачыстая лінейка, прысвечаная пачатку новага навучальнага года і Дню ведаў. Зноў сустрэліся ў роднай школе настаўнікі і вучні. Хваляваліся першакласнікі і выпускнікі, класныя кіраўнікі і бацькі. Але педагог- арганізатар Кіндрук Т.Л. умела кіравала школьным караблём, які збіраецца ў падарожжа па краіне ведаў.
Прывітальнае слова выказаў дырэктар школы Аліферовіч М.І. Ён павіншаваў усіх са святам, падзякаваў бацькам і работнікам школы за рамонтныя работы, уручыў граматы. Іх атрымалі лепшыя спартсмены Калянковіч В., Богдан А. за прызавыя месцы ў раённых спартыўных спаборніцтвах , Туркевіч Д., Богдан Р., Богдан У. і інш . за актыўны ўдзел у школьных і раённых спартыўных мерапрыемствах, вучні 3 класа за перамогу ў круглагадзічнай спартакіядзе. Грамата была ўручана і выхавацелю Пашкевіч В.П. у сувязі з 20-годдзем педагагічнага стажу . Першакласнікі атрымалі кнігу-падарунак Прэзідэнта Рэспублікі Беларусь "Беларусь мая Радзіма". Ганаровым госцем свята была Цяльпук Г.А., загадчык сектара дашкольнай і агульнай сярэдняй адукацыі раённага аддзела адукацыі , спорту і турызму, якая павіншавала ўсіх са святам і ўручыла грамату настаўніку фізічнай культуры Ляшчуку Д.Я. Дыплом ІІ ступені атрымала настаўнік Сінілевіч Т.М. за перамогу ў раённых педагагічных чытаннях.
Намеснік дырэктара Рылач В.П. павіншавала ўсіх вершаванымі радкамі на роднай мове.
Прыгожымі кветкамі парадавалі сваіх настаўнікаў выпускнікі і вучні астатніх класаў.
Са святам! З Днём ведаў!
 2024 2023 2022 2021 2020 2019 2018 2017 2016 2012 |
 |
03.05.2024 Усебеларускі дыктант
|
подробнее... |