02.03.2024
Экскурсия по историческим местам д.Лахвы
"Каб любіць Беларусь нашу мілую, трэба ў розных краях пабываць..."
2 сакавіка вучні "Ракітненскай базавай школы" працягнулі свае вандроўкі па Лунінеччыне. На гэты раз мы пабывалі ў "Беларускай Венецыі" - Лахве. Старажытныя курганы, месца Лахвенскай брамы, таямніцы палаца, самы старажытны на Лунінецкай зямлі мураваны касцёл 1741 года, а зараз Прачысценская царква. Загадка ракі Смердзь і "Паповай гары"... Адзіныя яўрэйскія могілкі, якія захаваліся, шматлікія помнікі Айчыннай вайны, паўстання ў гета - гэта ўсё далёка не ўвесь спіс таго, дзе ўдалося пабываць.
Гісторыя была літаральна "пад нагамі" ў выглядзе керамікі 16-19 стагоддзяў, польскай цэглы, фундаментаў.
Вандроўка атрымалася насычанай і цікавай. Экспанаты для будучага школьнага музея проста знаходзяць нас самі і гэта не толькі кераміка...
І сапраўды, "Каб любіць Беларусь нашу мілую, трэба ў розных краях пабываць"...