21.02.2020
Конкурс чытальнікаў вершаў
21 лютага ў школе прайшоў конкурс чытальнікаў вершаў Р. Барадуліна
21 лютага - Міжнародны дзень роднай мовы. У гэты дзень у школе праводзіўся конкурс чытальнікаў вершаў "Беларусь - мая мова і песня", прысвечаны 85-годдзю з дня нараджэння Рыгора Барадуліна і Міжнароднаму дню роднай мовы. Настаўнік беларускай мовы і літаратуры Вольга Канстанцінаўна Антановіч пазнаёміла з біяграфіяй пісьменніка, нагадала ўмовы конкурса, прадставіла членаў журы. У выкананні вучняў 2-9 класаў прагучалі вядомыя ўсім вершы Р.Барадуліна і вершы, якія многія пачулі ўпершыню. Вучні 4 класа падрыхтавалі інсцэніроўку верша "Ай, не буду, не хачу". Прагучалі вершы "Мы-беларусы", "Трэба дома бываць часцей", "Босая зорка", "Як звяры зіму сустракаюць", "Божа, паспагадай усім", "Я сын зямлі".
Атрымалася сапраўднае свята паэзіі.
Пераможцаў вызначалі сярод выканаўцаў 2-4 кл. і 5-9 кл. Імі сталі Таццяна Караваевіч, Надзея Караваевіч, Аляксандр Падалінскі (2-4 кл.), Максім Вароніч (5 кл.), Вераніка Арэшка (9 кл.)
Віншуем пераможцаў і дзякуем усім удзельнікам.
