15.02.2019
Мітынг-рэквіем
Вучні і настаўнікі школы сталі ўдзельнікамі мітынга-рэквіема, які прайшоў ля помніка воіну-інтэрнацыяналісту Мацкевічу М.П. 15 лютага. Слова было прадастаўлена дырэктару школы Міхаілу Іванавічу Аліферовічу, які сказаў, што 15 лютага штогод адзначаецца Дзень памяці воінаў-інтэрнацыяналістаў. Прайшло 30 гадоў з дня вываду савецкіх войск з Афганістана. Але памяць пра тыя далёкія падзеі жыве ў сэрцах людзей. У нашай вёсцы ёсць помнік былому выпускніку школы Міхаілу Мацкевічу, які загінуў 21 студзеня 1981 года пры выкананні інтэрнацыянальнага доўгу ў Афганістане.
Хвілінай маўчання пачцілі памяць загінуўшых.
Вершы пра афганскую вайну прачыталі Яна Грабовіч, Мікалай Мілюк, Арсеній Пауліч, Уладзіслаў Грэбень і Аліна Савіч. Заключнае слова сказала намеснік дырэктара Валянціна Пятроўна Рылач.