24.11.2018
Свята "Вёсачка мая"
У суботу 24 лістапада ў школе прайшло свята "Вёсачка мая". Вершы і песні пра вёску, малую радзіму гучалі ў выкананні хлопчыкаў і дзяўчынак 1-9 класаў. Свята пачалося з песні "Родная хата", якую выканалі вучні 4 класа. Вучаніца гэтага ж класа Ірына Вароніч выдатна прачытала верш "Бацькоўскі парог". Гучалі песні "Ты деревня, ты село", "Деревенька моя старая", "Мы родом из деревни". Верш "Мой родны куточак" прачыталі вучні 3 класа, а верш "Бацькоўская зямля" прачытала вучаніца 9 класа Яна Калянковіч. Захапіла ўсіх песня "Дзяўчынкі- беларускі" ў выкананні вучняў 1 і 2 класаў. Літаратурна-музычная кампазіцыя суправаджалася прэзентацыяй пра нашу вёску Ракітна. Былі паказаны краявіды роднай вёскі, названы імёны самых старэйшых жыхароў, тых, хто нядаўна нарадзіўся, імёны перадавікоў жніва-2018, перадавікоў сельскай гаспадаркі. Вядучыя свята Яна Калянковіч і Аляксандр Арэшка не толькі аб'яўлялі назвы вершаў і песень, але і расказалі шмат цікавага з гісторыі вёскі.
Мерапрыемства праводзілася на беларускай мове і было прысвечана Году малой радзімы.