03.11.2018
Конкурс чытальнікаў вершаў
Конкурс чытальнікаў вершаў Я.Янішчыц, прысвечаны 70-годдзю з дня нараджэння паэткі, праводзіўся 2 лістапада ў канікулярны час. Сабраліся ў школе тыя вучні, якія любяць паэзію, любяць чытаць вершы на памяць. З уступным словам выступіла настаўніца беларускай мовы і літаратуры Вольга Канстанцінаўна Антановіч. Вучні 9 класа Марыя Паўловіч і Яна Грабовіч коратка пазнаёмілі прысутных з біяграфіяй паэткі. Былі праслуханы песні на словы Я.Янішчыц.
Конкурс пачалі вучні 4 класа Аляксандр Грабовіч, Максім Вароніч, Раман Абрамчук і Ангеліна Шабунька, якія выдатна прачыталі вершы беларускай паэткі. Потым чыталі вершы Аксана Туркевіч і Аліна Нікеенка, Вераніка Арэшка, Марыя Паўловіч і Яна Калянковіч.
Журы падвяло вынікі конкурса. Першае месца занялі Максім Вароніч (верш "Прыедзь у край мой ціхі"), Марыя Паўловіч (верш "Сынок і маці"). Граматы пераможцам будуць уручаны ў пачатку 2 чвэрці.
Дзякуй удзельнікам конкурса за любоў да паэзіі, за стараннасць.