Меню раздела

статистика посещений

© copyright

Интерактивная карта

Портал рейтинговой оценки

QR-код учреждения

QR-код анкеты

Главная : Сервисы : Архив новостей

25.05.2023

Свята апошняга званка

Разам з вучнямі 9 класа Свята апошняга званка адзначылі 25 мая вучні, настаўнікі, бацькі. Вядучыя святочнай праграмы Дар'я Шуляк і Дзмітрый Вароніч запрасілі на ўрачыстае мерапрыемства 9 выпускнікоў: 3 дзяўчыны і 6 юнакоў. Прагучаў Гімн Рэспублікі Беларусь, і слова ўзяў дырэктар Міхаіл Іванавіч Аліферовіч. Павіншаваўшы ўсіх са святам, Міхаіл Іванавіч зачытаў загад аб допуску вучняў 9 класа да экзаменаў. Дапушчаны да выпускных экзаменаў 9 клас у поўным саставе.

Намеснік дырэктара Валянціна Пятроўна Рылач павіншавала выпускнікоў са святам апошняга званка, пажадала ім ўмацоўваць свае крылы, каб смела ляцець да мары. Пажадала светлых дзён, напоўненых добрымі справамі, і аб'явіла падзяку вучню 9 класа Вадзіму Аліферовічу, які ў гэтым годзе на раённым этапе алімпіяды па гісторыі заваяваў Дыплом ІІІ ступені. Граматы ад аддзела па адукацыі і ад адміністрацыі школы ўручыў Вадзіму дырэктар.

Словы віншаванняў і пажаданняў выпускнікам прагучалі ад класнага кіраўніка Сяргея Аляксандравіча Ільючыка і ад першай настаўніцы Вольгі Фёдараўны Кіпцэвіч, якая знаходзіцца ў адпачынку па догляду за дзіцям, але з радасцю прыняла запрашэнне і завітала на свята да сваіх вучняў. Вольга Фёдараўна даўно іх не бачыла і была прыемна здзіўлена , наколькі яны падраслі, пасталелі, папрыгажэлі.

Ад імя бацькоў выступіў з віншаваннямі і пажаданнямі Анатолій Міхайлавіч Вароніч. Ён пажадаў дзецям, каб заўсёды заставаліся чыстымі ў сваіх памкненнях і справах, каб былі працавітымі і чэснымі, а настаўнікам пажадаў чэрпаць свае сілы ў спадзяваннях на Бога, укладваць у сваю справу не толькі час, але сэрца і душу.

Ад выпускнікоў гучалі словы - падзякі сваім настаўнікам, словы - парады першакласнікам. Гучалі вершы і песні. Права даць апошні званок было прадстаўлена вучаніцы 9 класа Дзіне Вароніч і вучню 1 класа Мацвею Марзе.

Быў нават "салют" ад шарыкаў, якія час ад часу "выстрэльвалі". Потым усе фатаграфаваліся з бацькамі, з настаўнікамі, з аднакласнікамі, сябрамі і сяброўкамі.

У добры шлях, паважаныя выпускнікі! Шчаслівага плавання па жыццёвым моры! Светлых і шырокіх дарог!