04.03.2023
Метадычны тыдзень "Да вяршынь педмайстэрства"
Да вяршынь педмайстэрства
З 27 лютага па 4 сакавіка педагогі нашай установы прымалі актыўны ўдзел у метадычным тыдні "Да вяршынь педмайстэрства". У рамках тыдня праведзены тэарэтычны семінар "Метапрадметнасць як аснова сучаснага ўрока", які арганізавалі і правялі намеснік дырэктара В.П.Рылач і старшыня вучэбна-метадычнага савета А.М.Калянковіч, і семінар-практыкум "Вучэбныя заняткі - прастора для выхавання вучняў", на якім падзяліліся вопытам работы настаўнікі Т.М.Сінілевіч, В.К.Антановіч , С.А.Ільючык.
Калейдаскоп вучэбных заняткаў "Метапрадметны ўрок" быў арганізаваны для педагогаў у чацвер. Адкрытыя ўрокі правялі настаўнікі А.В.Туркевіч (фізіка, 7 кл.), Т.Ф. Свібовіч ( руск. літ., 5 кл.), В.А.Кавальчук (матэм., 9 кл.), Н.І. Шубянок (ням. м., 8 кл.). А пачаўся дзень з наведвання адкрытага адукацыйнага занятку ў дзіцячым садзе (Дзіця і грамадства, В.П.Пашкевіч).
Майстар-клас "Фізкульмінуткі па-новаму" правяла настаўніца пачатковых класаў Н.М. Дубініч.
Класныя кіраўнікі арганізавалі метадычны дыялог на тэму "Актыўныя формы работы з вучнямі і бацькамі", дзе самымі актыўнымі былі С.К.Барысевіч і А.М.Каленковіч.
Завяршыўся тыдзень святочнай праграмай да Дня жанчын, падкрэсліўшы дэвіз "Выхаваўчая пазакласная работа - прастора для творчасці".
Дасягнуць вяршынь педмайстэрства не так і лёгка, але магчыма. Мерапрыемствы тыдня гэта пацвердзілі.